Unha noite especial na Festa da Bica de Trives

A cantante cedeirense Guadi Galego actuaba onte na Praza do Reloxo, dentro do marco das activiades programadas para o festexo da Festa da Bica.

Ás 10 da noite daba comezo o concerto da artista galega, enchendo a praza dun animado público. Durante a actuación, traballadoras do concello repartían bica entre o público asistente.

Ao remate do concerto facíase o homenaxe aos Almendros, uns panadeiros e biqueiros da vila que levaron o nome de Trives alá por onde foron.

Pura e Paco, xa falecidos, foron homenaxeados e seus tres fillos, Miguel Ángel, Carlos e Francisco García Sánchez, subían emocionados ao escenario a recoller unha placa e un ramo de flores da man da alcaldesa, Patricia Domínguez, e a concelleira de cultura, Cristina Paz.

Un gaiteiro da Real Banda tocaba o Ave María no acto.