San Xoán de Río ponse en modo festas patronais

En San Xoán de Río, como nos últimos anos, a comisión de festas elixiú a un veciño dos de maior idade e cunha vida activa no concello para que fixera o pregón.

Na tarde noite do venres chegaba o momento de dar comenzo aos festexos do San Xoán coas palabras de Luis Fernández, que estivo acompañado polas súas netas, Alba e Lucía Rodríguez. Desde o escenario deu un emotivo pregón, no que agradecía á comisión de festas e a asociación Río Mola haber pensado nel.

Un emocionado Fernández engadía: “Son unhas festas moi queridas por min e por todos os que somos deste pobo. Eu celebreinas ata o de agora, durante os meus 93 anos, bastantes máis das que celebrastes os que estades aquí”.

O pregón remataba cun sonoro aplauso dos veciños e familiares desde o campo da festa, e recibindo da man do alcalde Xosé Miguel Pérez Blecua, un agasallo, unha lámpada con forma de autobús en homenaxe ao seu traballo durante moitos anos no transporte escolar e servizos de liña da comarca na coñecida Empresa Trives.

Cos festexos inaugurados, o campo da festa enchíase de veciños para gozar dunha pancetada para os asistentes, e tampouco faltou a música.

Onte sábado foi o día grande das festas coa “Nosa Verbena” organizada por Estrella Galicia.