O comercio local de Verín anima o verán con tobogáns de auga e festa da espuma

Esta iniciativa da Asociación de Empresarios/as de Verín - Centro Comercial Urbano (Aever-CCU), financiada pola Xunta e coa colaboración do Concello, busca animar as rúas e promocionar as vendas no comercio local. Terá lugar en tres puntos neurálxicos da vila do Támega o vindeiro 18 de xullo, venres, de 17,30 a 21,30 horas.

Para participar, os interesados deberán canxear os tíckets das compras nos establecementos asociados na carpa de Aever, situada na Praza Maior. En total deberán entregarse 5 tíckets e 5 euros, que se intercambiarán por unha pulseira que dará acceso a tódalas actividades durante toda a tarde. A carpa estará aberta dende unha hora antes.

Por unha banda haberá tres tobogáns de auga, divididos por idades. Os máis pequenos desfrutarán na praza da Merced de dous tobogáns, un de 4,5 metros de altura e outro de 10 metros de longo.

Os xóvenes terán na praza do Concello un tobogán deslizante de 8 metros de altura e 24 de longo. Por último, tanto mozos como adultos poderán gozar na Praza Maior dun megatobogán de 14 metros de altura e 40 de longo.

Espuma na Praza Maior

Esa tarde a Praza Maior converterase no escenario dunha festa da espuma con música e speaker. Celebrarase de 17,30 a 21,30 horas, con quendas divididas entre as distintas idades.

Entre as 17,30 a 18,30 horas e as 19,30 e as 20,30 horas, participarán nenos de 3 a 10 anos. De 18,30 e as 19,30 horas será o quenda dos rapaces a partir dos 11 anos. Entre as 20,30 e as 21,30 horas será o turno de xóvenes e adultos.