Vilar de Santos consolida a súa Festa da Arracada

Un animado grupo de castrexos puxo o legado da tradición na Festa da Arracada. | Xesús Fariñas

A aldea de Saa, en Vilar de Santos, viaxou por unha tarde moitos séculos atrás grazas a un nutrido grupo de castrexos de tódalas idades, no marco da II Festa da Arracada, nomeada así trala xoia da ourivaría castrexa atopada no concello. Esta iniciativa, organizada polo Concello e na que colabora a asociación cultural Civitas Limicorum, celebrou así o legado castrexo local.

Algunhas parellas aproveitaron para “casa” segundo o rito castrexo. | Xesús Fariñas

Desta vez as actividades xiraron arredor do Beltaine (“bo lume” en gaélico), unha celebración castrexa ligada ao solsticio do verán e representada por unha novidosa cerimonia do lume que pechou a velada. Antes diso houbo xogos tradicionais, celebráronse vodas segundo os ritos castrexos, e non faltou a música ao vivo a cargo do quinteto tradicional limiao Lirolaio.

Por se todo isto fora pouco, os asistentes desfrutaron asimesmo dunha cea popular a base de churrasco.

Contenido patrocinado