Galería | Os alumnos lembran a Concepción Arenal

Con motivo da conmemoración do aniversario do pasamento de Concepción Arenal, o alumnado do colexio ourensán que leva o seu nome celebrou unha xornada de lembranza de toda a traxectoria vital da escritora e activista. Deporte, cultura e homenaxes centraron a xornada, na que todo o alumnado, dende Educación Infantil ata os maiores de Secundaria, participaron nunha chea de actividades para lembrar á escritora e pensadora galega. Fixérono tanto dentro do colexio como fóra, gozando con propostas creativas, saídas polas rúas de Ourense e a celebración do do torneo Concepción Arenal e puideron practicar deportes moi variados. Mentres, unha representación do alumnado, trasladábase ata a rotonda da cidade de Ourense que leva o seu nome para unha ofrenda floral.