Galería | Creatividade e innovación no colexio de Mende

Xornal Escolar

O alumnado do colexio José García de Mende impulsa a arte e a formación tecnolóxica a través de murais, obradoiros e merchandising

O alumnado do colexio José García de Mende protagoniza un trimestre de intensa actividade artística e emprendedora, destacando o uso das novas tecnoloxías e a formación fóra das aulas. Unha das actividades desenvolvidas foi o proxecto “Plantando árbores con pinceis”, que uniu a estudantes de ESO e Primaria nunha xornada de creación colectiva. Dentro da proposta, visitaron a Cidade da Cultura para participar en InnovArt, cos departamentos de Música e Plástica.

Paralelamente, a través dos Polos Creativos, desenvolveron unha liña de merchandising integral cun proceso de deseño e modelado e produción.