Galería | Xogando cos valores de Europa en Josefinas

Xornal Escolar

Alumnos de ESO deseñaron xogos para os seus compañeiros de Primaria sobre diferentes aspectos do continente europeo

Un dos principais obxectivos do programa Escolas Embaixadoras do Parlamento Europeo (EPAS) é promover o coñecemento da Unión Europea entre o alumnado, fomentando unha cidadanía activa e comprometida co proxecto europeo. Neste marco, o colexio Josefinas desenvolveu unha actividade innovadora baseada na metodoloxía de aprendizaxe entre iguais. O alumnado de primeiro de ESO participou na creación de xogos de mesa educativos centrados en Europa e na Unión Europea, co obxectivo de achegar estes contidos ao alumnado de quinto de Educación Primaria. A proposta completouse coa realización de “Xeoxogos”, dinámicas de xogos cooperativos.