O gran musical chega a Verín

O IES Xesús Taboada Chivite de Verín xa ten todo listo para a gran estrea do seu musical, que este ano acada a oitava edición. Trátase dun popurrí de catorce números pertencentes a doce grandes musicais unidos entre si por catorce escenas. Diferentes profesores actuais e antigos do centro colaboran con alumnos e exalumnos en “Mil estrelas, musical de musicais”.

Durante todo o mes de xuño haberá catro funcións. Dúas no salón de actos do instituco (mércores, 12, e xoves, 13) e dúas no Auditorio de Verín (xoves, 20, e sábado, 22). As entradas pódense retirar de balde na secretaría do centro e os artistas xa están a punto para a gran estrea e coas súas mellores galas listas para deslumbrar.