Unha clase de innovación no Cardenal Cisneros

O alumnado de Cardenal Cisneros tivo a oportunidade de achegarse ao mundo da enxeñaría aeronáutica grazas á visita de cinco integrantes de Uvigo Aerotech: Antía, Andrés, Breixo, Nuno e Lía. Durante a xornada, compartiron os seus coñecementos e proxectos relacionados co deseño e uso de drons, espertando grande interese entre os estudantes.

Os membros de Aerotech explicaron de maneira clara e dinámica como se desenvolven estes dispositivos, desde a fase de deseño ata a súa aplicación práctica en distintos ámbitos. Ademais, amosaron exemplos reais do seu traballo, permitindo ao alumnado comprender mellor o funcionamento e as posibilidades desta tecnoloxía. Contaron as aventuras y desventuras de Áine, Solaris e I+D, explicando que e como o fan.