Vialín, o mestre da seguridade vial

Durante a última semana, o personaxe “Vialín” tamén fixo parada no colexio da Ponte. Alí, inculcoulles ós máis novos hábitos saudables e sostibles nos seus desprazamentos diarios. A eles formuloulles o reto de conseguir un particular carnet por puntos superando unha serie de probas que figuraran nun mapa urbano de educación viaria.

O obxectivo desta proposta, organizada pola Concellería de Educación, é a de que os escolares de sexto de Educación Infantil e primeiro de Educación Primaria avancen en seguridade vial coñecendo as normas de tráfico para vehículos e, sobre todo, para saber comportarse como peóns. Todo isto ó tempo que se divirten aprendendo.