Cualedro acolle a séptima edición da Ruta dos Castros

O Concello de Cualedro acollerá este sábado a séptima edición da Ruta dos Castros, que este ano leva o lema "Unha andaina pola historia". Este evento, que mesturará natureza, historia e deporte, foi presentado no pazo provincial, nun acto no que participou o vicepresidente da Deputación, Rosendo Fernández; o deputado de deportes, Juan Anta; o alcalde de Cualedro, Luciano Rivero; a presidenta da Asociación de Sendeirismo, Amaya Álvarez, e o investigador Eduardo Castro.

Esta andaina, de 15 kilómetros, cumpre os requisitos dun paseo familiar e discorre polos principais lugares patrimoniais de Cualedro, xa que os participantes poderán contemplar o cruceiro de Lucenza, a capela de Santa Marta, a mámoa do Madorriño, o Castro da Saceda, a Fonta da Ola e o Castro de San Millán.