A actriz carballiñesa Iria Sobrado actúa con dous espectáculos na vila do Arenteiro

A compañía compostelana Nut Teatro actúa esta fin de semana no Auditorio Municipal de O Carballiño. A compañía, da que forma parte a actriz carballiñesa Iria Sobrado, presentará os espectáculos A mirada de Pier e 4.48 Psicose o venres 5 e o sábado 6 de novembro, respectivamente, ás 22:30 horas.

O elenco artístico de Nut Teatro, que dirixe Carlos Neira, vén de chegar recentemente do Brasil, despois de participar na X Mostra SESC de Cultura do Cariri, na que presentaron A mirada de Pier cunha exitosa acollida na cidade do Crato. Os textos de Clara Gaio son postos en escea por Arantza Villar, Iria Sobrado, Nerea Barros e Xiana Carracelas, para crear unha historia de ficción crible e real, extraída dos conflictos que xenera o desexo a partir das imaxes do cine, da arte e da literatura.

Contenido patrocinado