O festival recupera a historia do cine galego

O Centro galego de Artes da Imaxe proxecta seis pezas do seu arquivo

Cando se inaugurou o Centro Galego de Artes da Imaxe (CGAI) hai 20 anos, non existía arquivo previo do cine en Galicia. Pouco a pouco fóronse atopando películas e agora mesmo nos seus fondos conta con máis de 3.000 cintas, algo impensable en 1991. A procedencia é múltiple. As primeiras foron chegando gracias á vontade de directores e produtores que as foron levando ata o Centro sen saber moi ben que era. Outras conseguíronse gracias á xenerosidade dos familiares ou depositarios daqueles pioneiros como Eloy Lozano ou Carlos Velo.

Isabel Pérez co director do CGAI, Guillermo Escrigas, e o produtor e director Miguel Castelo. (Foto: MIGUEL ÁNGEL)

Esa é unha das funcións do Centro, a de servir de depósito ao noso patrimonio audiovisual, pero unha vez recuperadas esas películas comenza a outra función, a de difusión. O centro mantén durante todo o ano unha programación diaria orientada a cumprir coas liñas directrices do que é unha filmoteca ao uso, amosar ese cine que non é posible ver nas salas comerciais.

E todo esto cunha máxima, o recoñecemento para aqueles cineastas que a pesares de non teren entrado nos circuitos comerciais fixeron moito polo cinema galego, aos que Miguel Castelo se refire como a un grupo de homes con moita vontade, moitas ganas, poucos cartos pero que traballaron para que cos anos tiveramos un cine propio. Castelo ten sido testemuña de toda esta historia dende os primeros anos da posguerra, o director do CGAI, Guillermo Escrigas, di de el que 'é a memoria viva do noso cine'.

Escrigas e Castelo estiveron onte en Ourense para presentar a sesión especial 20º Aniversario do CGAI, que terá lugar hoxe, as 20.00 horas no Teatro Principal, e na que se van proxectar seis pezas de Velo, Lozano, Chano Piñeiro, Xavier Villaverde, Teo Manuel Abad e Jorge Coira, unha proposta moi interesante para todo aquel que queira achegarse á historia do audiovisual galego. Pero quizáis o máis interesante desa presentación foi o debate xurdido á hora de definir o 'cine galego'. Se Escrigas defende que 'os parámetros canto máis amplos mellor', Castelo mantén que 'ten que ser xestado e parido en Galicia'. Como de futuro, o CGAI tenta recuperar nestes intres unha película rodada en Ourense por un grupo de cataláns, alá polo ano 1913 con motivo do gran eclipse. A maiores, dentro do Outono Fotográfico, traerá unha exposición de fotografías antigas sobre a emigración, 'Os adeuses'.

CRÍTICAS DO COLECTIVO CREA

Con todo, a sesión chega marcada pola crítica da asociación de directores CREA, que cuestionaron a exclusión de 'Coitadiños', de Héctor Carré, das seleccionadas. A causa tería sido a negación do productor, Xosé Xoán Cabanas. A organización do festival desmárcase das críticas e entende a decisión do CGAI como un xeito de previr conflictos legais. Algúns dos directores ameazan con non asistir.

Contenido patrocinado