Camilo Vila encabezará as listas do BNG en Xinzo

O BNG de Xinzo estreará líder de cara aos próximos comicios locais. Camilo Vila, natural de Boado (Xinzo de Limia), encabezará as listas por decisión da asemblea extraordinaria celebrada a última hora deste mércores na sede da agrupación nacionalista. No encontro tamén estivo presente o xa exlider local, Ramiro Rodríguez, e Bieito Lobeira, responsable de organización nacional do BNG.

Pedagogo de profesión, dende a formación sinalan que Vila sempre estivo vencellado ao asociacionismo, ao deporte e á participación comunitaria no rural. “Co liderado de Camilo Vila o BNG non se pon teito e aspira a liderar o cambio que naceu nas anteriores eleccións”, sinalan dende o grupo.