José Antonio Feijóo, aposta do PP de Baltar á alcaldía

A presentación dos candidatos populares na Comarca da Limia vaise pechando entorno a candidatos como José Antonio Feijóo, quen foi elexido novamente polo PP de Baltar como proposta para a alcaldía do municipio. Feijóo asegurou que o seu obxectivo é "seguir traballando polo Concello con toda a ilusión e coa imprescindible axuda dos veciños".

Manuel Baltar, pola súa banda, calificou ao actual líder local como unha persoa de actitude "positiva" que "contaxia e dinamiza á poboación, polo que estamos seguros de que volverá a ter a confianza dos seus".

José Antonio Feijóo, nado en Baltar en 1951, chegou a este consistorio hai 12 anos cunhas eleccións "nas que gañamos contra todo pronóstico a outros catro partidos, incrementando a maioría nos seguintes dous mandatos".

Para Feijóo "un alcalde debe ser máis humilde que os seus veciños, porque sen eles, non seríamos nada".

Por último, o presidente provincial asegurou que o candidato é "unha fonte de proxectos que nunca se esgota, como así se reflicte nas propostas que presentará aos seus veciños cara un próximo mandato".