Os maiores dan a benvida a un setembro repleto de actividades

Portas abertas

Os centros de día e residencias de maiores da provincia de Ourense do Consorcio Galego de Servizos de Igualdade e Benestar, pertencente á rede de centros de atención ós maiores da Xunta de Galicia, inician actividade no mes de setembro

Maiores durante unha xornada nos Milagros | José Paz

Este luns, 1 de setembro, o Fogar Residencial de Vilar de Barrio e os Centros de Día de, Maceda e Xinzo de Limia organizan unha xornada de convivencia nos Milagros. A actividade busca promover a participación, o intercambio e o fortalecemento de lazos comunitarios entre as persoas usuarias dos centros de atención a persoas maiores.

O 10 de setembro, celebrarase unha Xornada de Portas Abertas no Fogar Residencial de Vilar de Barrio e nos centros de Día de Allariz e Maceda, a partir das 10,30 horas. Estas xornadas repetiranse o día 25 no Centro de Día de Xinzo de Limia e o 26 de setembro no Centro de Día de A Rúa, horario de ambos centros a partir das 11,00 horas.

Son una oportunidade para que os interesados acudan libremente a recibir información, así como coñecer todas actividades que se realizan no centro.

Por outra banda, o 12 e o 29 de setembro, o Centro de Día de Xinzo e o Fogar Residencial de Vilardevós, respectivamente, celebrarán o seu aniversario, cunha xuntanza que reunirá a usuarios, familiares e persoal do centro.