Os maiores participaron no seu gran día en los Milagros

Este luns tivo lugar no Santuario da Nosa Señora dos Milagros a honra da Virxe aos anciáns e aos enfermos. Unha celebración na que os crentes maiores da provincia de Ourense son os principais actores da romería de Os Milagros.

O director xeral de Maiores e Atención Sociosanitaria, Antón Acevedo, destacou que a atención ás persoas de máis idade é unha prioridade para a Xunta de Galicia. Díxoo na celebración do Día do Maior e do Enfermo organizada pola Fundación San Rosendo dende hai 16 anos, que xunta a persoas traballadoras e clientes dos seus diferentes establecementos para que poidan desfrutar do seu día. Antón Acevedo sinalou que, ano tras ano, o Executivo autonómico incrementa o orzamento que destina ao coidado dos maiores e á mellora dos servizos sociosanitarios, superando na actualidade os 540 millóns de euros, un 18% máis con respecto ao exercicio pasado.

Nesta xornada, como é tradición, usuarios e persoal dos centros da Fundación San Rosendo visitaron pola mañá o santuario de Os Milagros e, posteriormente, realizouse unha xornada de convivencia na residencia de maiores da localidade. Máis de 530 usuarios e traballadores de máis de 20 centros da Fundación San Rosendo da provincia de Ourense participaron na peregrinación anual aos Milagros. Os centros de maiores válidos e dependentes que participaron foron:Os Gozos, Monterrei, Nuestra Señora del Perpetuo Socorro, Santa Marta, Residencia As Flores, Santa Cruz, La Esperanza, Santa María, Virgen Blanca, Divino Maestro, Nuestra Señora de Mundil, Residencia Alameda, centro Alfredo Romero, Residencia de Miño, Ceboliño, San Martiño, Nuestra Señora de las Nieves, Santiago Apóstol, Casa Grande, Santa María, Residencia Valverde, Nuestra Señora de Villanueva e Os Milagros.