A mostra de pinturas de Sandiás acaba o domingo

Esta semana será a última antes do peche da IV Exposición do obradoiro de pintura, manualidades e restauración no Concello de Sandiás.

Dentro do marco do Verán Culturais, tivo lugar a IV Exposición do Obradoiro de Pintura, Manualidades e Restauración, coordinada polo artista plástico Xos Eladio.

A inauguración tivo lugar o venres 9 de agosto ás 20,00 horas, cunhas mostras compostas de 50 obras plásticas realizadas coas técnicas de óleo, acrílico, acuarela e con temáticas referidas a paisaxes, retrato, pose, bodegóns, etc.

Estivo acompañada de 46 veciños das aldeas e arredores, inaugurando a exposición o alcalde Felipe Traveso.

Localización

A exposición estará dispoñible ata o domingo 1 de setembro. A exposición abre de martes a domingo, a partir das 16,00 horas ata ás 20,00 horas.

A localización da exposición sitúase na Sala de Exposicións da Casa de Cultura de Sandiás.