Obradoiro sobre dependencia e discapacidade do CDR O Viso

Un grupo de 20 persoas participaron nunha charla sobre saúde e dereitos, grazas ao obradoiro que organizou o CDR O Viso, co ESAD de Xinzo.

Nesta ocasión foi Natalia López, a traballadora social do centro de saúde de Xinzo de Limia, a encargada de realizar o obradoiro “Somos un equipo”. Esta actividade está recollida dentro do programa “Saúde Comunitaria”, que se está a desenvolver por diferentes aldeas da comarca.

Debido á demanda da comunidade rural que participa nas actividades do CDR, Natalia explicou que é o documento de instrucións previas. Este documento, que comeza a coller relevancia e que impulsa a toma de decisións das persoas sobre a súa vida, permite manifestar de forma libre e anticipada os desexos sobre os coidados e tratamentos que puideran precisar no futuro.

Mañá repetirase a experiencia, pero esta vez ca fisioterapeuta Isabel Díaz no obradoiro “Mecánica corporal, prevención de lesións”, onde se tratarán temas tan interesantes como o coidado das costas e do solo pelviano e os beneficios do exercicio ao longo da vida.