Olimpiadas rurais en Xinzo de Limia

TRADICIÓN E LUDISMO

Olimpíadas Rurais Interpobos, que vai pola súa terceira edición, tomou onte a Alameda do Toural, en Xinzo de Limia, cun divertido e animado maratón de xogos populares como o brilé e máis enxebres como lanzamento de sacho

A terceira edición das Olimpíadas Rurais Interpobos tomaron onte a Alameda do Toural, en Xinzo de Limia. O colectivo RAS, coa colaboración do CDR O Viso e o Concello de Xinzo de Limia organizaron un divertido e animado maratón de xogos populares como o brilé, a chave ou o pano, combinados con outros máis enxebres como lanzamento de sacho, birlos celtas cegos e loita galegaou os tradicionais triatlón, carreira de relevos ou turra-sedeño.

A competición supramunicipal arrancou ás dez da mañá coa inscrición e acto de benvida. Tras unha intensa maña e xogos e competicións, pola tarde a choiva fixo acto de presenza, pero non freou as competicións ata acabar, pasadas as oito da tarde, coa exhibición de vintos. Unha xornada de confraternización veciñal na que non faltaron os sorteos entre os participantes, agasallo dos colaboradores.

Limiarte

As olimpíadas interpobos non foron a única cita festiva de onte na capital antelana. No derradeiro día de agosto despedíase Limiarte. O programa cultural do verán 2024 organizado polo Concello de Xinzo rematou cunha sesión de contos animados da man de Expresión Produccións.

Contenido patrocinado