Sandiás inviste 300.000 euros para Santa Ana

PROXECTO

O alcalde de Sandiás, Felipe Traveso, mantivo unha reunión na Delegación da Xunta de Galicia en Ourense coa conselleira de Vivenda e Planificación de Infraestruturas, María Martínez Allegue, para avanzar no proxecto de humanización da aldea de Santa Ana, unha iniciativa que contará cun investimento de preto de 300.000 euros.

Vistas de la capilla de Santa Ana, lugar de culto para los oriundos.

No encontro, que se levou a cabo o pasado mércores 30 de outubro, tamén participaron o delegado da Xunta en Ourense, Manuel Pardo Cid, o secretario xeral técnico Iago Borrajo Sánchez, e a directora territorial de Ourense, Pilar Fernández León.

Durante a reunión, a conselleira de Vivenda, Martínez Allegue, comprometeuse a financiar o 70 por cento deste proxecto, mentres que o Concello de Sandiás cubrirá o 30 por cento restante, segundo manifestaron desde o consistorio. O orzamento total da obra ascende a aproximadamente 290.000 euros, e a súa execución está prevista para o ano 2025.

O proxecto de humanización busca mellorar as infraestruturas e espazos públicos da aldea de Santa Ana, co obxectivo de mellorar a calidade de vida dos veciños, fomentando un entorno máis accesible e atractivo.

Ademais deste proxecto, engaden desde o Concello que na reunión abordáronse tamén outros temas de interese para o concello, centrados en mellorar os servizos e infraestruturas locais.

Contenido patrocinado