Días de neve en Manzaneda
Un ano máis, a Deputación Provincial convocou o programa Esquiou para achegar ós escolares de toda a provincia á única estación de montaña de Galicia e descubrirlles a práctica do esquí. Nel participou un grupo de alumnos do colexio Sagrado Corazón do Carballiño, que o pasaron de marabilla gozando das instalacións deportivas e viviron momentos de convivencia moi especiais.
Equipados con esquís e unha abrigada roupa de montaña, mozos e mozas aproveitaron a súa estadía en Manzaneda ó máximo. Tamén houbo tempo para probar algunhas das probas do parque de aventuras e darse un relaxante baño na piscina. Foron uns días inesquecibles para recargar pilas para o resto do trimestre.