O alaricano José Luis Mascareñas recibirá o premio “Vila de Vida”

O alaricano José Luis Macareñas Cid recibirá este venres o premio “Vila de Vida” que organiza o Concello de Allariz. O científico galardoado nesta edición de 2022 é catedrático na Universidade de Santiago de Compostela. Mascareñas recibirá o galardón de Allariz polos seus logros profesionais, entre os que destacan que é director dende 2014 do Centro de Investigación de Química Biolóxica e Materias Moleculares, así como membro de varios consellos editoriais, fundador e primeiro presidente do grupo español de Bioloxía Química.

O alaricano recibirá “Vila de Vida” o venres, ás 19,30 horas, no Fogar dos Maiores de Allariz. Un premio honorífico que recoñece persoas, asociacións, colectivos, iniciativas, empresas, entidades públicas e privadas que logran o desenvolvemento económico, cultural e social cos seus traballos.