O concello alaricano marida natureza e cultura con deporte

Os veciños de Allariz fixeron esta fin de semana unha ruta pola natureza da comarca, un roteiro circular que os levou ata o Outeiro de Orraca e Cardanachama.

Un percorrido de oito quilómetros que os participantes recorreron nunhas dúas horas, mentres coñecían o patrimonio natural alaricano. Ó ser un roteiro circular, a saída e a chegada foi a vila de Allariz, na que o Fogar dos Maiores serviu como punto de partida.

Cultura

O concello alaricano tamén programou percorridos culturais, e o vindeiro 17 de maio, prepararon un para celebrar o día das Letras Galegas.

Os participantes poderán descubrir Allariz a través da vida e obra dos escritores máis senlleiros vinculados á vila: Padre Feijoo, Pepe Puga Brau, Vicente Risco, Alfredo Conde, Alfredo Nan e Cid Rumbao.