“El juego de su vida”, premio á mellor curta do RiR de Allariz

Á mañá do sábado tivo lugar un encontro con Luisa Álvarez e María Alonso, do FICAR Entrimo, o festival convidado desta edición do RiR.

A continuación, o director de “Días de cine”, Gerardo Sánchez, presentou o seu libro “Memorias de un cinéfilo sarnoso” junto a Carlos Gurpegui.

Pola tarde estreáronse en exclusiva “Pulp Air”, de Anita Pico, e “Poscoito”, de Héctor Rodríguez, seguido por un especial 20º aniversario de “Toxic percebe”, de Martín Fiallega e Xabier Jácome.

A Casa da Cultura alaricana acolleu por último a gala de clausura, conducida polo actor vigués Avelino González, e na que o actor Miguel de Lira foi homenaxeado co premio honorífico Rir Contigo.

Lista de premiados

A gran gañadora da sección oficial foi a curtametraxe “El juego de su vida”, que levou os premios a mellor curta de ficción e á mellor interpretación para Álex Macías.

“Becarias” foi escollida mellor curtametraxe de animación, mentres que “Segunda II” obtivo o galardón á mellor curta de xénero documental ou falso documental.

Lisa Sallustio, directora de “Assoiffé”, logrou o premio á mellor dirección. O premio que outorga a Fundación Vicente Risco ao mellor guion do RiR foi para Nüll García e Alba Flores, por “Malegro verte”.

Finalmente, o premio do público a mellor curtametraxe de comedia foi para “El desayuno de los funcionarios”.