O teatro galego foi sometido a examen na vila de Allariz

A “Xornada De O Bufón d’ElRei a O porco de pé. O teatro galego en perspectiva”, tivo lugar o sábado en Allariz.

Xosé Rodríguez Díaz, secretario da Fundación Vicente Risco fixo unha valoración do evento no que para il foi “moi positiva xa só o feito de falar de teatro, creemos que non se pode abordar todo o relacionado con iste mundo nunha xornada pero é un punto seguido porque alguén precedeunos e continuaranos”, explica.

“Unha xornada de moito éxito, con moita xente de prestixo do mundo do teatro. A mañá abordouse un pouco máis unha perspectiva histórica e logo dunha perspetiva dramática. Esta semana inagurouse a semana do teatro galego en Coimbra. Estívose dando un pouco as chaves de ese traballo e o percorrrido para reivindicar a vila da sede. A tarde tivemos a berberecheira, Ángeles Álvarez, a directora dos grupos de teatro Silvardeiras e Mafaldas. Fernando Dacosta (director da Aula de teatro Universitaria de Ourense). Puxémoslle colofón final con Cándido Pazó”, detalla Xosé Rodríguez.

“Esta xornada do Consello da Cultura Galega é o terceiro ano que se fai, sempre cunha temática diferente. Este ano tocou o teatro e estas xornadas terán continuidade noutros anos. Cubrimos todo o aforo e tivo que quedar xente fora, pero pode ver o que aconteceu no Consello da Cultura Galega. Para rematar quero aclarar que a xornada estivo precedida polo motivo do 40 aniversario do Consello da Cultura Galega”, conclúe o secretario da Fundación Vicente Risco.

Rosario Álvarez, presidenta do Consello da Cultura Galega, valorou a xornada: “Estou encantada por como aconteceu todo. O obxectivo, o fomento da cultura galega e as artes escénicas galegas, cumpriuse”.