O Padroado da Fundación Vicente Risco prepara 2026 en Allariz

O Padroado da Fundación Vicente Risco reuniuse para aprobar o Plan de Actuación para o ano 2026, así como as bases do XI premio de novela curta Antón Risco e o XXX Premio Vicente Risco de Ciencias Sociais e o apoio ao I Premio Aira do Libro ilustrado informativo, ademais da aceptación por parte do Padroado das cesións de arquivos pertencentes a Cruz Risco realizadas por Maribel Outeiriño e Celina Ramos.

No 2026, a Fundación continuará coas actividades dos anos anteriores, seguindo coa dixitalización da documentación da Fundación así como coas melloras da súa catalogación. Así, tamén apostarán pola mellora da web da Fundación e publicaranse as obras gañadoras dos premios literarios convocados pola Fundación, xunto a dous libros sobre a temática anual -o territorio- de carácter científico e divulgativo. Publicarán “Gamalandalfa” de Risco e un relato inédito de Antón Risco, ademais continuarán as xornadas, as exposicións e a aposta por actividades musicais e as visitas escolares.