A VIII Romería Celeste encherá Allariz de celtismo esta fin de semana

A vila alaricana encherase de “afouteza e festón” esta fin de semana durante a celebración da oitava edición da Romaría Celeste, que terá lugar o venres 30 e o sábado 31 de maio con comida, música, roteiros, actividades infantís e “altas doses de celtismo”.

A programación dará comezo o venres ás 19,00 horas, cun roteiro de viños polo casco vello alaricano, con música da man do Gaiteiro Penalta. O sábado a troula comezará pola mañá, xa que a partir das 11,00 horas comezarán as actividades co roteiro de historia alaricana, que rematará nos Xardíns do Museo do Coiro. Alí comenzará a sesión vermú ás 12,30, amenizada pola charanga A Felga, que rematará ás 14,30 horas ca presentación oficial da Romaría. Ó rematar dará comezo o xantar popular, que dará paso ás actividades da tarde, que inclúen hinchables e pintacaras para os cativos, o campionato de futbolín e moita música.