O director xeral de Maiores e Atención Sociosanitaria defendeu o dereito das personas maiores de poder elixir libremente como e onde queren pasar esta etapa das súas vidas
O director xeral de Maiores e Atención Sociosanitaria, Antón Acevedo, estivo de visita ao Centro de Desenvolvemento Rural O Viso, en Lodoselo (Sarreaus).
Acevedo defendeu o dereito que teñen as persoas maiores de poder elixir libremente como e onde queren pasar esta etapa das súas vidas.
O director xeral de Maiores e Atención Sociosanitaria destacou o traballo que se desenvolven nestas instalacións para mellorar a calidade de vida das persoas maiores e fomentar un envellecemento activo, poñendo á súa disposición servizos de manutención, coidados persoais, fisioterapia e rehabilitación ou podoloxía, entre outros.
No Centro de Desenvolvemento Rural O Viso tamén se desenvolven diferentes actividades físicas e lúdicas, e conta con transporte adaptado para os seus usuarios para facilitar os desprazamentos.
El camino ESS
O CDR O Viso participa no proxecto El Camino ESS (Economía Social e Solidaria) que terá lugar este venres en Allariz, concretamente na Casa da Cultura. Ten como obxectivo dar visibilidade e valorizar as cooperativas, proxectos e iniciativas de diferentes sectores con base nunha economía alternativa e responsable a través da creación de experiencias turísticas sustentables.
O acto comeza ás 10:00 horas e durante o mesmo participarán as representantes das Comunidades Autónomas no que ten lugar o mesmo (Galicia, Cataluña, Aragón, A Rioxa, e Castela e León).
É un proxecto participativo no que se desenvolve experiencias turísticas con pequenas entidades cooperativas, que no caso de Ourense participan a Xeitura, Carabuñas e O Rexo.n