A organización xuvenil do BNG, Galiza Nova Arnoia – A Limia, nestas dúas comarcas, presentou esta semana a campaña do 25N, Día Internacional da Eliminación da Violencia contra a Muller.
A idea central ao redor das actividades proxectadas consiste na denuncia do sistema capitalista como “instrumento de perpetuación da impunidade masculina e da violencia contra a muller”.
A campaña centrará o foco na impunidade masculina baixo os lemas “No seu sistema sobrevivimos nós”, “Traizoa o patriarcado!” e “Constrúe un novo mundo!”. A Asemblea Nacional de Mulleres de Galiza Nova explica que “o sistema ten moitísimas formas de proxectar violencia nas mulleres, isto é, estamos encadradas nunhas dinámicas sistémicas que non poderán ser erradicadas sen superar o capitalismo”.
