O escritor limiao, Antón Tovar, conta cunha mostra no Museo da Limia de Vilar de Santos que se poderá visitar ata o vindeiro 26 de outubro e que o Padroado dinamizará con diferentes actividades. Trátase dunha das accións previstas para conmemorar o século do seu nacemento, que precisamente se cumplirá o último día da exposición, e de poñer en valor toda a obra deste autor.
A mostra, que se poderá visitar sábados e domingos, consta de exemplares de varias das primeiras edicións dos seus libros, textos inéditos, manuscritos, documentos da vida do autor e os orixinais das ilustracións do seu primeiro libro, El tren y las cosas, obra de Arturo Baltar. Tamén caricaturas e retratos de autores limiaos como Xosé Lois Carreira, Victoria Taboada, Manuel Traveso, e Toño Monteiro , así como un texto do presidente do Padroado, Delfín Caseiro.