Reapertura este verán da Casa da Lagoa de Sandiás

O Concello de Sandiás anunciou que o Centro de Interpretación da Lagoa de Antela, coñecido como Casa da Lagoa, reabre as súas portas de xeito regular este verán.

O prezo da entrada establécese en 1 euro por persoa. As visitas ao espazo divulgativo lévanse a cabo na compañía do guía e historiador Álex de los Ríos.

Patrimonio etnográfico

A Casa da Lagoa agocha unha mostra que dá boa conta do patrimonio etnográfico do Concello de Sandiás. Grazas ao uso de imaxes, achados e pezas audiovisuais, faise un percorrido sobre distintos aspectos dos humidais naturais da Lagoa.