A emigración centrará unha mostra fotográfica en Maceda

"Nós tamén fomos emigrantes. Fotografías da Axencia EFE sobre a emigración española non século XX” poderá visitarse dende o 8 de setembro ata o vindeiro 11 de outubro en Maceda. ABANCA, Afundación e o Concello de Maceda asinaron este venres un convenio de colaboración cultural para materializar dito evento.

A exposición consiste nunha selección de corenta fotografías da emigración, tanto española como galega, procedentes dos arquivos da Axencia EFE. O obxectivo é de tratar de achegar aos visitantes a esa realidade histórica a través dunha síntese fotográfica das migracións mediante a mirada profesional e humana dos fotoperiodistas da época.

Esta colaboración forma parte do proxecto Corrente cultural, que considera a arte como un instrumento imprescindible para fomentar o coñecemento e o desenvolvemento colectivo.