Enrique Manuel Neira recibe o XXVII Premio Vicente Risco

A Fundación Vicente Risco presentou a obra gañadora do XXVII Premio Vicente Risco de Ciencias Sociais, nun acto que se celebrou no salón de plenos do Concello de Allariz, outorgado a Enrique Manuel Neira Pereira, xornalista e investigador, pola obra “Do aritmómetro á computación cuántica. Como as máquinas de cálculo, informáticas, robóticas e de comunicación transformaron Galicia nun século e medio”.

Colaboración

A Fundación Vicente Risco contou para este premio coa colaboración dos concellos de Allariz, Castro Caldelas e Melide; a Deputación de Ourense; a Universidade de Trás-os-Montes e Alto Douro (UTAD) (Vila Real - Portugal), representada pola Escola de Ciências Humanas e Sociais (ECHS); as universidades da Coruña (UDC), Santiago (USC) e Vigo (UVIGO) e da Caixa Rural Galega.

Contribución

Trátase dunha historia que aposta pola modernidade e polo futuro dende Galicia. Unha panorámica da contribución das galegas e galegos ao avance das máquinas calculadoras, da programación informática, da robótica, dos satélites e da intelixencia artificial, todo isto complementado con abondosas referencias literarias.

O premio conta cunha dotación económica de 6.000 euros, segundo sinala a fundación.