A organización do Tangaraño Cultural de Sobradelo, en Xunqueira de Ambía, desprazouse esta pasada fin de semana á localidade de Rebordechao, en Vilar de Barrio, para continuar coas actividades enmarcadas dentro da súa oitava edición, un acontecemento que neste 2021 e por mor do covid-19, terá que adaptarse ás restriccións sanitarias vixentes.
Por primeira vez o festival, que recolle música, poesía e obradoiros; desprazouse ata Vilar de Barrio, onde estaba prevista unha andaina pola Serra de San Mamede que tivo que ser suspendida pola choiva.
O alcalde de Vilar de Barrio, Manuel Conde, e a organización, decidiron levar a actividade prevista ao interior do local social de Rebordechao onde, coas distancias e medidas de seguridade oportunas, algúns veciños disfrutaron de bica de castaña e tarta de mazá, así como de produtos locais. Tamén houbo tempo para gozar dalgunhas das actuacións previstas.
O Tangaraño desprazarase o vindeiro sábado, día 22 de maio, ata Baños de Molgas, onde se vivirá a única actividade con aforo de 50 persoas. Actuarán Andrés Fernández, Xurxo Novoa y Daniel Soldevilla.
