O municipio de Lobeira acollerá, o vindeiro mes de agosto, o terceiro homenaxe ás vítimas do fascismo na comarca. O Comité pola Memoria Histórica do Val do Limia organiza un encontro popular para recoñecer e honrar publicamente ás vítimas, nun acto de "verdade, xustiza, reparación e dignidade!", subliñan dende o comité.
O encontro desenvolverase nas proximidades do coñecido como "pozo do inferno", no cruce entre a estrada OU-540 e a OU-161 nas inmediacións do pobo das Conchas. A programación que acaba de dar a coñecer o colectivo organizador inclúe a inauguración dunha escultura de cinco metros autoría do canteiro Diego Currás "O Rixón". No transcurso do mesmo haberá momentos para a exaltación da poesía e da música tradicional galega da man de Olga Novo, Andrés Fernández Rodríguez e Xosé Constenla.
Dende o ano 2019, o comité pola memoria histórica liderou a colocación de dous esculturas na curva de Fontaboa en Bande e na Ponte do Boado (Xinzo).
