Música, fornada e visita aos petroglifos do Uzal en Xordos

O vindeiro sábado, 23 de novembro, a aldea de Xordos en Bande acollerá unha xornada de magosto e fornada. O encendido do forno ás 9,30 horas marcará o inicio da xornada. Ás 12,30 horas, está prevista a visita ata os petroglifos do Uzal e, a volta, compartirán un xantar a base de pan artesán, bolo preñado, lacón asado, empanadas, pizzas, pastel vexetal, bica de millo e castañas.

Os integrantes da agrupación Ordeikí amenizarán a festa, que está aberta a que cada quen leve o seu propio instrumento. As persoas que estean interesadas en participar na xornada deberán anotarse no bar Benita de Bande. Prezo, 12 euros.