A lingua galega será protagonista nun campamento de verán na Bola

IDIOMA

A iniciativa desenvolverase durante a primeira semana de vacacións e xa están abertas as inscripcións

Coa proximidade das vacacións estivais para os máis pequenos, os concellos comezan a perfilar a programación que lle ofrecerán ás súas familias nos meses de parón escolar. Neste sentido, A Bola celebrará o campamento "Cultirlingua", unha iniciativa desenvolvida en colaboración coa Consellería de Política Social, na que os pequenos participantes terán a oportunidade de xogar e divertirse ó tempo que aprenden en torno ás características da lingua galega.

A través de obradoiros temáticos, música, teatro ou sesións de expresión artística, os asistentes formarán parte dunha iniciativa pensada tamén para conciliar durante os primeiros días de vacacións.

Cultirlingua desenvolverase entre os días 24 e 28 deste mes e ten carácter completamente gratuíto. Os interesados poderán formalizar a súa inscripción ata o vindeiro martes, día 18, a través do teléfono 988 45 12 93 ou no enderezo electrónico "educacionfamiliar@concelloabola.gal".

Contenido patrocinado