A tradición, diversión e o colorido chegan a Viana do Bolo cunha das citas máis importantes do ano: o Entroido. Dende o 13 ao 26 de febreiro, Viana estará inmersa na celebración dunha festa arraigada na zona e que cada vez atrae a máis xente: o Entroido.
Durante case dúas semanas, Viana do Bolo disfrutará dos boteiros e o son das súas esquilas, así como dos fulións e dos desfiles das carrozas. Todo isto, sen esquecer a gastronomía, xa que o Entroido de Viana inclúe a Festa da Androlla, que este 2020 celebra a súa 50 edición.
Consulta todas as datas e actividades do programa do Entroido de Viana do Bolo:
13 de febreiro - Xoves de Compadres
Mañá: visita dos fulións ao CEIP Bibei e á residencia da terceira idade de Viana.
Noite: fariña, cea de compadres e fulión. Tras a cea, ás 00,00 horas, terá lugar a "colga do Lardeiro".
15 de febreiro
Sábado de disputas en Viana. Pola mañá chegan a Pixeiros e Solveira, mentras que pola tarde trasládanse a Caldesiños.
20 de febreiro - Xoves de Comadres
Mañá: os alumnos do CEIP Bibei desfilan disfrazados polas rúas de Viana.
Noite: fariña, cea de comadres e fulión. Ás 00,00 horas, terá lugar a "colga da Lardeira".
21 de febreiro
Venres de fulión en Viana. Veciños e visitantes recorren as rúas da vila disfrazados
22 de febreiro
Sábado de disputas en Viana. Pola mañá, turno en Penouta, mentres que pola tarde será en Punxeiro.
A xornada continúa á noite con fulión e moita troula nas rúas da vila.
23 de febreiro - Domingo Gordo
12,00 h - Desfile dos Fulións, Boteiros e Carrozas ata a praza Maior
Comida popular con motivo da Festa da Androlla no pavillón municipal, na que ademais da androlla, os asistentes degustarán alimentos como consomé, grelos lacón ou bica.
Noite: diversión e música nas rúas da localidade
24 de febreiro - Luns dos cativos
16,00 h - Fulión infantil, no que non faltarán xogos tradicionais, música e unha gran chocolatada
Noite: fulión trapalleiro
25 de febreiro - Martes de Entroido
Mañá: desfile dos Fulións ata Cabo da Vila
Tarde: Gran Fariñada e Fulións polas rúas da vila
00,00 h - Queima dos Lardeiros e concurso de disfraces. A noite continúa coa música dunha discomóbil
26 de febreiro - Mércores de cinza
O Entroido despídese co enterro da sardiña. Recorrido polas rúas de Viana ata Cabo de Vila, onde haberá unha sardiñada popular
