O plan lingüístico da Xunta, antes do final de ano

O conselleiro de Cultura, Lingua e Xuventude, José López Campos, confirm.o que tratarán de iniciar a actualización do Plan Xeral de Normalización Lingüística antes de que acabe o ano e que contará con 11 áreas de impacto, entre as que se atopan as novas tecnoloxías e o audiovisual.

Así se expresou en declaracións aos medios onte, após reunirse os grupos parlamentarios na segunda rolda de contactos da Administración galega coas forzas políticas en aras de chegar a un novo Pacto pola Lingua.

López Campos destacou o “clima de diálogo” que se está creando entre o Goberno galego e os diferentes grupos con representación parlamentaria. “Veño de percorrer as principais institucións do país. Todos insisten en que necesitamos, desde a parte política, dar unha imaxe de que estamos ante un novo escenario, que temos que chegar a acordos necesariamente”, sinalou o conselleiro.