O Concello de Monterrei pedirá dúas Casas do Maior

A infraestrutura para albergar o que será a futura Casa do Maior en Albarellos (Monterrei) está lista para dotar de actividade o lugar. Dende o Concello de Monterrei contan que pedirán á Xunta de Galicia dous puntos de atención ao maior, xa que como explica José Luis Suárez, alcalde do municipio, “a construción ten capacidade para dúas casas, con 10 usuarios separados en grupos de 5”, ao que engade que “o edificio está preparado, só queda darlle saída e que se empece a empregar”.