Suspende a Feira do 23 de setembro e adiada os eventos programados no Auditorio Municipal
O Concello de Verín anunciou a adopción de novas medidas para evitar a xeración de riscos de propagación da enfermidade covid-19, así como a propia exposición a ditos riscos. O municipio tomou a decisión de pechar o Museo Claustro Mercedario e manter a limitación de actividade na Biblioteca Pública Municipal de Verín ao servizo de préstamo.
Ademais quedan adiados os eventos culturais que estaban programados nas instalacións do Auditorio Municipal de Verín, serán precintados os parques municipais, incluíndo o recinto do skatepark, e se suspende a celebración da Feira do vindeiro 23 de setembro.
Estas medidas serán reavaliadas nun período non superior a sete días naturais en función da evolución da situación epidemiolóxica no municipio.
