Os viños da DO Monterrei, presentes nun festival galego en Londres

EVENTO ESPECIALIZADO

Os viños de DO Monterrei aterrarán en Londres o vindeiro 3 de decembro para participar no “Galicia Wines and Aguardientes Festival”, o Festival do viño e augardente galego.

Expositor da DO Monterrei na "Wine Paris & Vinexpo Paris" do pasado febreiro xunto a Acruaga.

Esta acción de promoción conxunta está organizada pola Unión Española de Catadores (UEC) e a Asociación de CC. RR. del Vino de Galicia y de las II.GG. Aguardientes y Licores Tradicionales de Galicia (Acruaga).

Os asistentes recibirán información sobre o territorio, historia, tradición vitivinícola e variedades de uva, e ademais poderán coñecer os viños destas adegas da DO Monterrei: Trasdovento, Pazo das Tapias, Ladairo, Tabú, Alba Al-Bar (Daniel Fernández), Vía Arxéntea, Crego e Monaguillo, Fausto Rivero Pardo (Quinta Soutullo), Fragas do Lecer, Gargalo, José Antonio Da Silva Pereira (Vinos Lara), José Luis Mateo García (Quinta da Muradella), Pazo de Valdeconde, Franco Basalo e Manuel Regueiro García.