Os colectivos veciñais SOS Suido-Seixo e Alarma Terra de Montes lanzan a campaña “Ollo cos Agapitos!”. Aseguran que Recursos Minerales de Galicia S.L., filial do grupo SAMCA, que pretende iniciar un proxecto de minaría de litio nas Serras do Suído e Seixo, “voltou á carga esta semana logo de que o pasado mes de marzo o Tribunal Superior de Xustiza da Galiza confirmara o seu desistimento do recurso contencioso-administrativo contra o arquivo do seu proxecto “Alberta I” que afectaba aos concellos de Beariz, Forcarei, Avión e Cerdedo-Cotobade”.
Añaden, que directivos de SAMCA desprazáranse desde Zaragoza para retomar o proxecto, utilizando como base a nave industrial da empresa en Vilapouca, Forcarei.
Por iso poñen en marcha esta campaña, á que se suma Ecoloxistas en Acción, para denunciar esta presenza de persoas ligadas ás empresas que buscan o enfrontamento veciñal. Desta volta, SAMCA pretende retomar as perforacións con novos sondeos mineiros.
En paralelo, alertan de que a empresa xa está ultimando a documentación dun novo proxecto co que iniciará o procedemento de pase á concesión de explotación, incluíndo un estudo hidroxeolóxico elaborado pola Universidade da Coruña. Advirten os colectivos que estarán atentos “para evitar os atropelos do anterior trámite”.
