O sendeiro irá pola marxe dereita do río, comezando o seu percorrido na antiga fábrica de papel de Lousado e terá unha lonxitude total de 400 metros
A conselleira de Medio Ambiente e Ordenación do Territorio, Beatriz Mato, mantivo na mañá de onte unha reunión co alcalde de Piñor, José Luís González, ao que lle confirmou a colaboración da Xunta de Galicia na execución dunha senda ecolóxica fluvial no río Arenteiro ao seu paso por este municipio.
Tal e como se recolle na proposta presentada polo Concello de Piñor ante a Administración autonómica, o sendeiro irá pola marxe dereita do río, comezando o seu percorrido na antiga fábrica de papel de Lousado e terá unha lonxitude total de 400 metros.
Beatriz Mato destacou que este itinerario fluvial porá en valor o patrimonio natural deste concello, ao tempo que se habilitará a zona para o goce dos veciños de Piñor e dos visitantes que queiran pasear por este entorno das ribeiras do río Arenteiro.
