Los mejores sabores de Galicia, en Ribadavia

PRODUCTOS ARTESANOS

Ribadavia convértese en escaparate durante a fin de semana de máis dunha vintena de produtores alimentarios con selos de calidade diferenciada; unha ducia de adegas da D.O. Ribeiro e artesáns de Artesanía de Galicia

Inauguración, onte, do Mercado de Artesanía Alimentaria en Ribadavia.

Ribadavia prevé recibir nesta ponte festiva a centos de visitantes co reclamo da iniciativa “Artesanía, Saber e Sabor”, que xa onte, na xornada de inauguración, deixaba claro o seu poder de convocatoria.

A cita congregou xa pola mañá a moreas de persoas que se achegaron ata a vila atraídos polos produtos de Artesanía de Galicia e Artesanía Alimentaria que presentan máis dunha veintena de artesáns, ademais dos obradoiros, talleres e outras actividades das que poderán desfrutar nenos e adultos ata este domingo.

Dende a Praza Maior, onde se ubican os artesáns alimentarios, pasando pola zona de degustación de viños D.O. Ribeiro, pódese seguir o percorrido polo casco histórico, onde se realizan talleres en locais comerciais abertos para a ocasión, ata chegar a Igrexa da Madalena, que reúne aos artesáns de sectores da olería e cerámica, bixutería, xoiaría, coiro, calceta, feltro e relacionados coa moda.

Entre eles Alberto Lista, de Alfarería Lista, que segue a tradición familiar elaborando vaixelas artesanais, ou Silvia Garriga, de Nela Gourmet, en San Cristovo de Cea, que ofrece as súas marmeladas creativas, e que ve en este mercado “a oportunidade de darnos a coñecer”. Coincide con Vanesa Vázquez, de “Doces Mamá Teresa” de Arzúa, que destaca que esta feira é “unha ventana ao mundo e un intercambio de experiencias”.

A conselleira do Medio Rural, María José Gómez, visitou onte o mercado xunto ao director da Axencia Galega da Calidade Alimentaria, Martín Alemparte; o director xeral de Comercio, Gabriel Alén; o delegado territorial da Xunta en Ourense, Manuel Pardo; e o alcalde de Ribadavia, César Fernández, poñendo en valor esta iniciativa como “elemento dinamizador do rural e tamén do comercio de proximidade a través do traballo dos artesáns”.