Catro ourensáns participarán na Olimpiada de Informática

Una persona usando un ordenador.
photo_camera Una persona usando un ordenador.

Catro estudantes de Ourense representan ó territorio na Olimpiada Informática Galega

Catro mozos ourensáns representarán á provincia na Olimpíada Informática Galega (OIG), organizada polo Colexio Profesional de Enxeñaría en Informática de Galicia, en colaboración coas tres universidades galegas –Universidade da Coruña (UDC), Universidade de Santiago (USC) e Universidade de Vigo (UVigo)- e que se celebrará o vindeiro 10 de febreiro. Dous dos ourensáns son do Barco de Valdeorras, e estudan no IES Mariaguisela; os outros dous estudan no CIFP A Carballeira, un procede da cidade e outro da Merca.

O obxectivo é a promoción do coñecemento e das vocacións nesta disciplina da informática tan presente en todos os ámbitos hoxe en día e necesaria para a formación integral da mocidade de secundaria e bacharelato. 

A competición consta dun conxunto de problemas, xeralmente entre catro e seis. Cada problema deberá resolverse empregando unha linguaxe de programación que permita automatizar a súa resolución. Na OIG permítese o uso de C++, Python ou Java. Cada un destes problemas describirá un escenario onde os participantes deberán desenvolver un programa que o resolva, o que require coñecementos de deseño correcto e eficiente de algoritmos.

Te puede interesar