Cortes e restricións de tráfico polas Festas de Ourense

As Festas de Ourense requiren o corte de varias rúas. Ademais do Centro Histórico, onde está o mercado medieval, as actividades programadas requiren levar a cabo diferentes restricións de tráfico, que afectan principalmente á contorna do Parque do Barbaña, onde están as barracas; a rúa do Progreso na contorna da Alameda, onde se levan a cabo o pregón, actuacións de orquestras e do grupo Celtas Cortos, e rúa Pardo de Cela, onde se realiza a Festa de Fin de Curso e a actuación do Combo Dominicano.

Desde mañá mércores e ata o domingo día 23 pechase o acceso de vehículos ao Paseo Ponte Pedriña desde as rúas Portocarreiro e Fonte do Bispo, pola instalación das atraccións. Podese acceder aos garaxes desde Avilés de Taramancos-Pardo de Cela.

O xoves día 20, ás 15:30 horas pechase ao tráfico a Progreso desde a glorieta de San Rosendo até a baixada á Praza de Abastos para montar o escenario do pregón das festas, á altura da Alameda. O venres, a rúa Progreso pechase xa ás 12:00 horas para montar o escenario de Celtas Cortos. Ese mesmo día, ás 15:00, cerrase Pardo de Cela, desde Avilés de Taramancos até Concepción Arenal, para montar a festa de fin de curso.

Xa o sábado, ás 14:00 horas, pechase Progreso para montar o escenario de Função Pública e ás 18,00 horas, Pardo de Cela para montar o escenario do Combo Dominicano. O domingo pechase Progreso pola actuación de París de Noia.

A parada de taxis da Alameda situarase en Parada Justel e a de bus da Alameda en sentido centro estará fronte ao Bispado.