Gerson Iglesias: "Queremos que se saiba  que en Ourense tamén se fai unha cociña diferente e atractiva”

O cociñeiro Gerson Iglesias é o novo presidente de Cociña Ourense, un cargo ao que chega repleto de ilusión e con gañas de que a gastronomía local acade o recoñecemento que merece. Para elo aportará a súa experiencia e creatividade, a mesma que pon nos seus platos cada día no seu restaurante, Erva, ubicado no Hotel Oca de Allariz.

Qué obxectivos se pon para esta nova etapa?

Para o futuro queremos seguir a liña pola que se decantou a asociación, que é buscar que a nosa provincia teña un recoñecemento maior a nivel enogastronómico, tanto vinícola coma gastronómico. Que a provincia teña un maior nome, máis recoñecemento e máis presenza a nivel galego.

En que momento se atopa a cociña provincial?

Na súa maioría é un pouco de corte tradicional, pero aquí estamos nós e queremos dar un golpe na mesa e facer ruído, para que se saiba que en Ourense tamén se fai unha cociña diferente, atractiva, e que ten en conta o producto propio da nosa provincia, para darlle tamén voz a pequenos produtores.

Que ten a nosa gastronomía que non teña outra?

A nivel de produto, un clave que hai en outros sitios pero que aquí históricamente sempre tivo un uso moi espallado en toda a sociedade, como é a castaña, que en tempos foi un produto clave na nosa provincia, moi común e que quitou moita fame en moitas casas, a min é algo que me encanta. Creo que tamén e sabido que a nivel hortícola hai grandísimos produtos, así como ocorre co gando, e por suposto os viños e as nosas catros Denominacións de Orixe.

A nova cociña debe integrar ou desprazar ás tradicións?

O ideal é a integración. A tradición é a base de todas as cociñas, pero non é o único elemento, hai que saber adaptarse.

Que papel pode xogar a gastronomía neste proceso?

O turismo sempre axuda. Moita xente non sabe moi ben ó que ven, pero que descubra que enogastronómicamente chegan a unha provincia moi rica, e sobre todo agora que estamos unidos coa meseta polo AVE. Quizáis veña xente máis esixente que nos faga a nós intentar non repetirnos e loitar cada día por facelo un pouco mellor.