O Ingreso Mínimo Vital beneficia a 11.000 persoas en Ourense, estos son os datos
Xa son máis de 11.000 as persoas que na provincia de Ourense perciben o Ingreso Mínimo Vital (IMV). De todas estas persoas que están a percibir a prestación na provincia, 4.467 son menores de idade e o 55% son mulleres. A deputada socialista Marga Martín indicou que “trátase dun dereito que ten como obxectivo loitar contra a pobreza infantil e a desigualdade”.
A socialista loou a medida adoptada polo goberno de Pedro Sánchez no ano 2021 e criticou as medidas que a Xunta implementa para axudar ás persoas en risco de exclusión social polos seus baixos ingresos. “É importante facer un paralelismo entre como afronta as problemáticas o Executivo de España e como o fai a Xunta de Galicia, coa maioría absoluta do PP de Feijóo e Rueda. A Risga, que é a prestación galega, atende nestes intres, só a 600 persoas e leva 30 anos en funcionamento”, criticou Martín.
